რა არის სოციალური მედია? (a.k.a. What the F**k Is Social Media?)

დღეს დილით აქ აღმოვაჩინე, ძალიან კარგი პრეზენტაცია სოციალურ მედიაზე -  “What the F**k Is Social Media?”. პრეზენტაციის ავტორი მოკლედ მიმოიხილავს სოციალური მედიის მთელ არსს, და ამავე დროს მოჰყავს სტატისტიკა რომლის შედეგადაც რთულია არ დარწმუნდე სოც. მედიის ძალაში. არის ორი პრეზენტაცია What the F**k Is Social Media? და What the F**k Is Social Media? One year later, შესაბამისად შარშანდელი და წლევანდელი ვერსიები.

მოკლედ, ბევრს აღარ გავაგრძელებ, თავად ნახეთ და შეაფასეთ.

Google, Microsoft-ს ახალ ფრონტს უხსნის

გუშინ კომპანია Google-მ თავისი ახალი ოპერაციული სისტემის, Google Chrome OS-ის შესახებ განაცხადა. კომპანიის თქმით ოპერაციული სისტემა იქნება, მარტივი, სწრაფი და დაცული. Chrome OS გათვლილია ე.წ. Netbook-ზე. თუმცა როგორც ჩანს გუგლი ამ სისტემის სხვა, უფრო ძლიერი ტიპის კომპიუტერებზე გავრცელების წინააღმდეგი არ არის. საგულისხმოა ის მომენტიც რომ სისტემა OpenSource-ით გავრცელდება და უფასო იქნება. ის ასევე ღია იქნება დამოუკიდებელი დეველოპერებისათვის.

Google აცხადებს რომ Chrome OS, Android-ისგან (გუგლის ოპერაციული სისტემა პორტაბელური მოწყობილობებისათვის) დამოუკიდებელია, და კომპიუტერების მწარმოებლებს მოუწოდებს Android ტელეფონებისთვის დატოვონ, ხოლო PCსთვის ახალ OS-ს დაელოდონ.

Chrome OS რა თქმა უნდა ახალი თავსატეხია Microsoft-სთვის რომელიც ოპერაციული სისტემების ბაზარზე დომინანტია. აქამდე მრავალს უცდია Microsoft-ისთვის ამ პოზიციის წართმევა, მაგრამ უშედეგოდ… თუმცა გუგლი განსაკუთრებული შემთხვევაა. მას გააჩნიათ დიდი ფინანსები, ის პოპულარულია ინტერნეტის მომხმარებლებს შორის და რაც მთავარია Google-ს გააჩნია ხედვა. ჯერ Google Docs-ით, შემდეგ კი Chrome-ით, Wave-ით და ახლა უკვე Chrome OS-ით, კომპანიამ მოახდინა დემონსტრაცია რომ ის კომპიუტერების მომავალს ინტერნეტს უკავშირებს. Windows-ის გან განსხვავებით, ახალი ოპერაციული სისტემა Internet-centric იქნება. Google-ის ამოცანაა მომხმარებლის კომპიუტერზე ოპერაციული სისტემა დატოვოს, ხოლო ყველა დანარჩენი სერვისი ვებში გადაიტანოს.

ეს იქნება ბრძოლა არა მხოლოდ OSების ბაზრისთვის, ეს იქნება ბრძოლა იდეოლოგიისათვის. Microsoft-მა თავისი ლიდერობის წლებში, ჩამოაყალიბა თამაშის წესები, რომელსაც მიჰყვება სხვადასხვა სოფტისა თუ ჰარდის მწარმოებლები. Microsoft თავისი Windows-ით ჰქმნის უზარმაზარ ბაზარს თამაშებისა, კორპორაციული თუ სამომხმარებლო სოფტის მწარმოებლებისათვის. პროგრამებისა და Windows-ის მზარდ მოთხოვნებს, მხარს უბამს აპარატურის მწარმოებლებიც. ამტი-ვირუსული და ანტი-პირატული საშუალებები ცალკე ინდუსტრიად განვითარდნენ. ასე რომ Google-ს უფასო, უსაფრთხო, მსუბუქი და ინტერნეტზე დაფუძნებული OS-ის წარმატების შემთხვევაში ყველაფერი თავდაყირა დადგება არა მხოლოდ Microsoft-თვის.

იქნება თუ არა Google ერთერთი მრავალთაგანი… თუ…?

ამას დრო გვიჩვენებს.

წარმატების საზომი

აი როგორც იქნა მოვიცალე პოსტის დასაწერად.

დღეს ვისაუბრებ იმის შესახებ თუ როგორ იზომება ამა თუ იმ ვებგვერდისა თუ ბლოგის წარმატება დღევანდელ ინტერნეტ-სივრცეში.

არსებობდა დრო, არცთუ დიდი ხნის წინ, როდესაც ინტერნეტში თქვენი გვერდის წარმატების გაზომვა უადვილესი საქმე იყო. ერთადერთი საზომი რომელიც არსებობდა Web 1.0  ხანაში და Web 2.0-ის საწყის ეტაპებზე  იყო ვიზიტორების რაოდენობა. ამ სტატისტიკის მოპოვება შესაძლებელი იყო ვებგვერდის ლოგების დათვალიერებით.  ეს საზომი საკმაოდ პირდაპირი იყო და აჩვენებდა ვიზიტორების რაოდენობას თარიღების მიხედვით, ასევე ის გამოყოფდა უნიკალურ და “ძველ” ვიზიტორებს. არავითარი სირთულე. თუმცა  Web 2.0-ის განვითარების შემდეგ აშკარა გახდა რომ ვიზიტორები არაფრის მაჩვენებელი აღარ იყო.

ასე შემოვიდა თანდათანობით ახალი საზომი – ვებგვერდზე გატარებული დრო. ვებსაიტების მფლობელები მიხვდნენ რომ მხოლოდ გვერდზე შემოსვლა არაფერს ნიშნავდა თუ კი მომხმარებელი არაფერს წაიკითხავდა და ეგრევე მეორე გვერდზე გადავიდოდა. ეს მონაცემი უკვე უფრო აბსტრაქტული იყო ვიდრე პირველი, ანუ ისეთ გვერდზე როგორიც MySpace.com მომხმარებელი საშუალოდ უფრო მეტ დროს გაატარებდა ვიდრე weather.com-ზე, თუმცა ეს ამ უკანასკნელის წარუმატებლობას არ ნიშნავდა.  საიტზე გატარებული დრო, ისევე როგორც ვიზიტორების რაოდენობა, დღესაც ძალიან მნიშვნელოვანია, თუმცა არასაკმარისია სრული სურათის მისაღებად.

ახლანდელ ინტერნეტში (ზოგი მას უკვე Web 3.0 -აც მოიხსენიებს) შემოვიდა გვერდის წარმატების საზომების მთელი ლეგიონი. ამიტომაც პროფესიონალები გვირჩევენ მათ ყველას არ დავედევნოთ და შევარჩიოთ რამოდენიმე ვებგვერდის სპეციფიკის მიხედვით. აქაც მე მხოლოდ იმათ მოვიხსენიებ რომლებიც გამახსენდება, დანარჩენი შეგიძლიათ კომენტარებში დაამატოთ .

დაბრუნებული ვიზიტორები – ეს მონაცემი გვიჩვენებს იმას თუ რამდენად საინტერესოა კონტენტი ჩვენს გვერდზე, და უჩნდებათ თუ არა მომხმარებლებს მასზე დაბრუნების სურვილი. ეს მონაცემი ასევე აბსტრაქტულია და საშუალო რიცხვი ვებგვერდის სპეციფიკიდან გამომდინარეობს.

დათვალიერებული გვერდების რაოდენიბა ერთი ვიზიტისას -  ამის საშუალებით ჩვენ ვგებულობთ არის ჩვენი ვებსაიტი/ბლოგი მხოლოდ Frontpage თუ საინტერესო კონტენტი სხვაგანაც დევს.

RSS-ის გამომწერები – ეს საკმაოდ მნიშვნელოვანი მონაცემია IMHO, რადგან პირადი გამოცდილებიდან შემიძლია ვთქვა რომ ჩემს RSS-ში მხოლოდ რჩეულები ხვდებიან.

ლინკები – რამდენი საიტი/ბლოგი “გლინკავთ” თქვენ? ეს მონაცემი განსაკუთრებით ბლოგებისთვის არის მნიშვნელოვანი, ისეთი სერვისების დასაპყრობად როგორიც Technorati არის.

პოზიცია Google-ში – თუ კი თქვენ პირველ გვერდზე ხვდებით თქვენს სფეროში, ჩათვალეთ რომ წარმატებამდე ნახევარი გზა უკვე განვლილია.

Keywords – თუმცა წინა მონაცემი არაფრის მომცემია თუ არ არის გათვალისწინებუ Keyword-ები. რადგან ისეთ Keyword-ზე პირველ ადგილზე გამოსვლა რომელიც თავში არავის მოუვა დიდი ვერაფერი მიღწევაა.

კომენტარები – თუ კი თქვენს საიტს ასეთი ფუქნცია გააჩნია, კომენტარების რაოდენობაც გასათვალისწინებულია. მარტივი ფორმულა აქ ასეთია “კომენტარები > პოსტები“

თემები და ჯგუფები კომიუნიტებში – თქვენს გვერდზე ფორუმის თემაა გახსნილი? Facebook-ში აქტიური ჯგუფია შექმნილი? მშვენიერია

პოზიცია კატალოგებში – დღესდღეობით განსაკუთრებით ბლოგებისათვის, ძალიან მნიშვნელოვანია პოზიცია ისეთ სერვისებში როგორიც Technorati, Blogpulse და ქართულ რეალობაში Top.ge არის.

აი სულ ესენია რაც უცებ გამახსენდა. კიდევ არის ისეთი კომპლექსური სისტემები როგორიც Google page rank, Alexa და ა.შ. თუმცა ეგ უკვე სხვა ისტორიაა.

გაქვს შენი საზომები? გავიზიარე კომენტარებში.